CHILD CARE LEAVE (CCL)
మహిళా ఉద్యోగులు, టీచర్లకు వారి మొత్తం సర్వీసులో 90 రోజులు శిశుసంరక్షణ సెలవు మంజూరుకు అనుమతిస్తూ రాష్ట్ర ప్రభుత్వం
జి.ఓ. 209 తేది:21-11-2016 ద్వారా ఉత్తర్వులు జారీచేసింది.
90 రోజుల చైల్డ్ కేర్ లీవు ను విడతకు 15 రోజులు మించకుండా కనీసం ఆరు విడతల్లో మంజూరుచేయాలి.
180 రోజుల ప్రసూతి సెలవుకు ఈ సీసీఎల్ అదనం.
ఇద్దరి పెద్దపిల్లల వయస్సు 18 ఏళ్ళు నిండేవరకు చైల్డ్ కేర్ లీవ్ అనుమతించాలి.
40% పైగా అంగవైకల్యం ఉన్న పిల్లల పక్షంలో 22 ఏళ్ళ వరకు మంజూరుచేయాలి.
ఇద్దరికంటే ఎక్కువ సంతానం ఉంటే మొదటి ఇద్దరి పిల్లల వయస్సును మాత్రమే పరిగణలోకి తీసుకోవాలి.
పిల్లలు పూర్తిగా తల్లిపై ఆధారపడి ఆమెతో కలిసి ఉంటేనే సీసీఎల్ మంజూరవుతుంది.
పరీక్షలు, అనారోగ్యం మాత్రమే కాదు, పిల్లల ఇతర అవసరాలకు కూడా సీసీఎల్ మంజూరుచేయాలి.
సీసీఎల్ హక్కు కాదు. ముందస్తు అనుమతి తీసుకుని మాత్రమే సెలవు తీసుకోవాలి.
మొదటి విడతలో పుట్టిన తేదీ సర్టిఫికెట్లు జతచేయాలి. ఇతర సర్టిఫికెట్లు అవసరం లేదు.
ప్రసూతి సెలవుతో పాటు ఇతర సెలవులతో కలిపి వాడుకోవచ్చు (CL మినహా).
OCL కు వర్తించే Prefix/Suffix నిబంధనలు దీనికీ వర్తిస్తాయి.
సెలవు ముందు రోజు వేతనం ప్రకారం సెలవు కాలానికి చెల్లిస్తారు.
ప్రత్యేక సెలవు ఖాతాగా నిర్వహించి సర్వీస్ బుక్ కు జతచేయాలి.
